इंग्ल्यान्डसँग टेष्ट सिरिज खेल्न वेष्ट इण्डिज सहमत

एजेन्सी । घरेलु टिम इंग्ल्यान्डसँग जुलाई तीन टेष्ट सिरिज खेल्न वेष्ट इण्डिज सहमत भएको छ ।

यसअघिनै तय भएको सिरिज कोरोना भाईरसको महामारीसँगै अन्योलमा रहेको थियो ।

तर, वेष्ट इण्डिज जुलाई सिरिज खेल्न राजी भएको स्काई स्पोर्ट्सले जनाएको छ ।

इंग्ल्यान्ड भ्रमणका लागि वेष्ट इण्डिजको टिम जुन ८ मा निस्कने छ ।

बन्द रंगशालामा हुने खेल अघि सम्पूर्ण खेलाडीको कोरोना परिक्षण हुनेछ । यस्तै ग्राउण्ड स्टाफ, अफिसियल र खेलाडीहरु बस्ने क्षेत्र छुट्टाईने छ ।

खेलाडीले साउथह्यापटनको द बल र म्यानचेस्टर युनाइटेडको ओल्ड ट्राफोर्ड क्रिकेट मैदानमा प्रशिक्षण गर्ने छन् ।

इंग्ल्यान्डले विभिन्न राष्ट्रसँग तय भएको अन्तर्राष्ट्रिय सिरिजलाई मध्ये नजर गर्दै ५५ खेलाडीलाई प्रशिक्षणमा बोलाईसकेको छ ।

इंग्ल्यान्डले समरमा पाकिस्तान, आयरल्याण्ड र अष्ट्रेलियासँग सिरिज खेल्ने तयारी गरेको छ ।