कोरोना देखिएपनि कोलनकाे प्रशिक्षण निरन्तर

एजेन्सी । तीन जना कर्मचारीमा कोरोना भाईरसको संक्रमण देखिएपनि जर्मन क्लब कोलनले टिमको प्रशिक्षणलाई निरन्तरता दिएको छ ।

बुन्डेस लिगा क्लब कोलोनको प्रशिक्षणमा सहयोग गरिरहेका तीन स्टाफमा बिहिबार कोरोनाको संक्रमण देखिएको थियो ।

तर, क्लबले अभ्यासलाई भने निरन्तरता दिएको एपीले जनाएको छ । क्लबले कोरोना संक्रमितको नाम भने सार्वजनिक गरेको छैन ।

कोलोनका कर्मचारीमा कोरोना देखिएपछि सिजनको बाँकी खेल सुचारु गर्ने तयारी गरिएकाे जर्मनको शीर्ष डिभिजन लिग अनिश्चित बन्ने देखिएको छ ।

कोरोनाको महामारीको कारण गत मार्चबाट लिग स्थगित गरिएको छ । बुन्डेस लिगाले लिग आगामी मे बाट सुचारु गर्ने तयारी गरेको छ ।