यूईएफएद्वारा ५५ सदस्य राष्ट्रलाई आर्थिक सहयोग

एजेन्सी । युरोपेली फुटबल महासंघ (यूईएफए) ले कोरोना भाईरसले प्रभावित आफ्ना सदस्य राष्ट्रहरुलाई आर्थिक सहयोग गर्ने भएको छ ।

यूईएफएले सोमबार आफुसँग आबद्द ५५ सदस्य राष्ट्रलाई आर्थिक सहयोग गर्ने निर्णय गरेको हो ।

यूईएफएले आफ्ना सदस्य राष्ट्रलाई सहयोग गर्न २३६.५ मिलियन युरो निकासा गरेको जनाएको छ । यूईएफएको घोषणासँगै ५५ राष्ट्रले ४.३ मिलियन युरो पाउने पाउने छन् ।

कोरोनाको महामारीपछि फुटबलका आएको चुनौतीलाई सामना गर्न यस सहयोगले मद्दत पुग्ने यूईएफएले जनाएको छ ।

कोरोनाको कारण युरोपियन लिग ठप्प रहेको छ । अधिकांस राष्ट्र लिग सकिएको छ ।

नेदरल्यान्ड्सको डच लिग भने रद्द भईसकेको छ ।

यस अघि विश्व फुटबलको सर्वोच्च निकाय फिफाले पनि कोरोना भाईरसबाट प्रभावित आफ्ना सदस्य राष्ट्रका लागि आर्थिक सहयोगको घोषणा गरिसकेको छ ।

फिफाले हरेक सदस्य राष्ट्रलाई ५ लाख अमेरिकी डलर दिने बताएको छ ।