‘हाल्याण्डलाई युभेन्ट्स जान सुझाव !’

एजेन्सी । ईटालीका फरवार्ड एन्टोनियो कासानोले ईर्लिङ हाल्याण्डलाई युभेन्ट्स क्लब जान सुझाव दिएको बताएका छन् ।

अष्ट्रियाबाट खेलिरहेको समय कासानोले हाल्याण्डलाई सिरि ए क्लबमा जान सिफारिस गरेको बताएका हुन् ।

उनका अनुसार सिरि ए च्याम्पियन क्लब युभेन्ट्सले समेत हाल्याण्डलाई हेरिहेको थियो ।

हाल्याण्ड गत जनवरीमा जर्मन क्लब बोरुसिया डर्टमण्ड आए ।

च्याम्पियन्स लिगमा साल्जबर्गमा गरेको प्रर्दशनका आधारमा युरोपका ठुलो क्लबले हाल्याण्डमाथि आखाँ लगाएका थिए । जसमा डर्टमण्डले बाजी मार्यो ।

हाल्याण्डले समेत डर्टमण्ड क्लब रोजेका थिए । उनले बुन्डेशलिगामा समेत आफ्नो गोल गर्ने लयलाई कायम राखेका छन् ।

ईटालीका पूर्व अन्तराष्ट्रिय खेलाडी कासानोले हाल्याण्डले सजिलै टुरिन क्लबमा खेल्न सक्ने बताएका छन् । नर्वेली फुटबलमा भर्खरै जम्न लागेको समय कासानोले युभेन्ट्सका निर्देशक पियरो औसिलियोलाई हाल्याण्ड अनुबन्धका लागि आग्रह गरेको खुलासा गरेका हुन् ।

‘जब उनी साल्जबर्गसंग खेल्न सुरु गरेका थिए । मैले हाल्याण्डलाई एसिलियोमा सिफारिस गरेको थिए ।’ उनले भने ।

कासानोलाई माथिल्लो स्तरमा गोल गर्ने कला राम्रोसंग थाहा छ । उनले रोमा, रियल मड्रिड र मिलानका दुवै क्लबबका लागि खेलेका थिए । उनले ३९ सिनियर अन्तराष्ट्रिय फुटबलमा ईटालीका लागि १० गोल गरेका छन् ।

‘हाल्याण्डलाई एक राम्रो फरवार्ड हुन चाहिएका सबै पक्ष छन् ।’ उनले भने, ‘उनले टिमलाई माथि राख्छ । स्कोर गर्छ । र दुवै खुट्टासंग कसरी खेल्ने भनेर जानेको छ । उ कसैसंग समेत डराउँदैन ।’

हाल्याण्डले भर्खरै मात्र एक अन्तरवार्तामा डर्टमण्ड आउने सही निर्णय आफुले गरेको बताएका थिए ।

हाल्याण्डलाई डर्टमण्डमा स्टार फरवार्ड रोबर्ट लेवान्डोस्कीसंग तुलना गरिएको छ ।

अन्तरवार्तामा हाल्याण्डले भने, ‘बच्चामा मेरा धेरै श्रद्धेय खेलाडी थिए । तर मसंग दुई खेलाडीको मात्र नाम छ । उनीहरु क्रिस्टियानो रोनाल्डो र ज्लाटन ईब्राहिमोविच हुन् ।’