एजेन्सी । भारतीय स्टार ब्याट्सम्यान युवराज सिंहले साैरभ गांगुलीलाई सबैभन्दा राम्रो कप्तानको रुपमा ब्याख्या गरेका छन् ।
१७ बर्षको अन्तराष्ट्रिय क्रिकेट करियरमा कुनैपनि कप्तान भन्दा धेरै खेल खेलेका युवराजले गांगुलीलाई सबैभन्दा राम्रो कप्तान बताएका हुन् ।
बायाँ हाते ब्याट्सम्यान युवराजले भारतीय क्रिकेट बोर्ड (बीसीसीआई)का वर्तमान अध्यक्षलाई राम्रो कप्तानको रुपमा धेरै सम्झिने बताए ।
तर महेन्द्र सिंह धोनीको कप्तानीमा सन् २०११ मा विश्वकप जित्ने समय युवराज 'प्लेयर अफ दी टुर्नामेन्ट' भएका थिए ।
स्पार्ट्स स्टारसंगको एक अन्तरवार्तामा युवराजले भनेका छन्, ‘मैले गांगुलीको कप्तानीमा खेलेको छु । उनले मलाई धेरै सहयोग गरे । मलाई उनको कप्तानीको धेरै याद आउँछ । किनकी उनले मेरो समर्थन गरे । मैले धोनी र विराजबाट त्यो प्रकारको सहयोग पाईन ।’
युवराजले आफ्नो एकदिवसीय अन्तराष्ट्रिय करियरमा १४ शतक प्रहार गरेका छन् । युवराजले ३ सय ४ एकदिवसीयमा ८ हजार ७ सय १ रन बनाएका छन् ।
युवराजले श्रीलंकाका मुथैया मुरलीधरनलाई सबैभन्दा कठिन बलरको रुपमा छनोट गरे ।
उनले भने, ‘मलाई मुरलीधरनबिरुद्व धेरै भिड्न पर्यो । उनको बलिङलाई बुझ्न सक्दिन थिए । अनि सचिन तेन्दुलकरले मलाई उनीबिरुद्व स्वीप सूरु गर्नका लागि भनेका थिए । त्यसपछि मलाई उनीबिरुद्व खेल्न सजियो भयो ।’
उनले थपे, ‘ग्लेन म्याकग्राको बलिङले धेरै समस्या बनाउने गर्दथ्यो । तर मैले उनीबिरुद्व धेरै खेल्न पाईन । म टेष्ट म्याचमा बाहिर बसेर सिनियर खेलाडीलाई हौसला बढाउने गर्दथे ।’
युवराज कठिन अवस्थामा शानदार प्रर्दशनका लागि समेत चिनिन्छन् । उनले अन्तरवार्तामा आफ्नो सम्झनलायक ईनिङ्स समेत बताएका छन् ।
‘बेङ्गलोरमा १ सय ६९ रनको ईनिङ्स थियो (२००७ मा पाकिस्तानबिरुद्व टेष्ट म्याचमा भारतले ६१ रनमा ४ विकेट गुमाएको थियो) । विश्वकप २०११ को क्वार्टरफाईनलमा अष्ट्रेलियाबिरुद्व अविजित ५७ रन । यस ईनिङ्समा स्टुअर्टको बलमा प्रहार गरेको छक्का धेरै याद आउँछ ।’ उनले भने ।
उत्कृष्ट अलराउण्डर युवराजले सन् २०१९ मा अन्तराष्ट्रिय क्रिकेटका सबै ढाचाबाट सन्यासको घोषणा गरेका थिए । युवराजले भारतलाई दुई विश्व च्याम्पियन (सन् २००७ मा टी–ट्वान्टी विश्वकप, २०११ म विश्वकप) बनाएका थिए । दुवै उपाधिमा उनको प्रर्दशन विशेष थियो ।
