कोरोनाविरुद्ध लड्न बीसीसीआईद्वारा ५१ करोड सहयोग

एजेन्सी । कोरोना भाईरसको महामारीविरुद्ध लड्न भारतीय क्रिकेट बोर्ड (बीसीसीआई) ले ५१ करोड भारतीय रुपैयाँ आर्थिक सहयोग गरेका छन् ।

बीसीसीआईले सामाजिक संजाल ट्वीटरबाट सरकारको राहत कोषमा ५१ करोड सहयोग गर्ने घोषणा गरेको हो ।

कोरोनाको प्रकोपविरुद्ध लड्न सरकारलाई सहयोग गर्ने उदेश्यले आर्थिक सहयोग गरिएको बीसीसीआईले जनाएको छ ।

यस अघि पूर्व क्रिकेटर सचिन तेन्दुलकर, राष्ट्रिय टोलीका सदस्य सुरेश रैना लगायतले पनि आर्थिक सहयोग गरेका छन् ।

चीनबाट फैलिएको कोरोनाको कारण भारत पनि प्रभावित भएको छ । भारतमा २१ जनाको मृत्यु भईसकेको छ ।