रोनाल्डोलाई संक्रमण नभएको पुष्टि

एजेन्सी । पोर्चुगलका सुपर स्टार क्रिस्टियानो रोनाल्डो हाल घरेलु भूमीमा 'क्वारेन्टाइन'मा रहेका छन् ।

रोनाल्डो आफ्नो परिवारसंग सात तले घरको माथिल्लो दुई तलामा बस्दै आएका छन् जुन उनले हालै किनेका थिए ।

रोनाल्डो सम्मिलित टिम युभेन्ट्स क्लबका एक खेलाडी डेनियल रुगानीलाई कोरोना भाइरसको संक्रमण भएको थियो ।

रुगानीले हालै स्पालविरुद्ध २–१ ले विजयी भएको खेलमा खेलेका थिए ।

तर उनले ट्वीटरमा आफुसंगै युभेन्टसका सबै खेलाडीले इन्टर मिलनविरुद्धको जितपछि खुसियाली मनाउँदै गरेको फोटो ट्वीट गरेका थिए ।

युभेन्ट्सकै पाउलो डिबालालाई कोरोना भाइरसको संक्रमण देखिएको थियो । तर युभेन्टसले त्यसलाई अस्विकार गरेको थियो ।

सिरी ’ए’ तर्फबाट भने यसको पुष्टि भईसकेको छ ।

संक्रमित ब्यक्तिसंग सम्पर्क भएका अन्य ब्यक्तिलाई कानुन अनुसार प्रकिया अघि बढाउन सिरी ’ए’ ले भनेको छ ।

त्यसैले १ सय २१ युभेन्ट्सका खेलाडी तथा अफिसियल आफै 'क्वारेन्टाइन'मा बसेका छन् ।

रोनाल्डोमा समेत संक्रमणको आशंका गरिएको थियो ।

तर पोर्चुगलको माडेरिया क्षेत्रीय सरकारका अध्यक्ष मिगेल अल्बुकर्कले रोनाल्डोमा परिक्षणको क्रममा रोनाल्डोमा संक्रमण नदेखिएको पुष्टि गरेका छन् ।

’म डाटा सुरक्षाका लागि यो मुद्दाविरुद्ध कुरा गर्न सक्दिन, तर म भन्न सक्छु कि अवस्थालाई राम्रोसंग नियालिएको छ ।’ उनले भने, ’अहिले संक्रमणको कुनै सम्भावना नभएको पक्का छ ।’

क्षेत्रीय स्वास्थ्य सचिव पेद्रो रामोसले समेत यसको पुष्टि गर्दै खेलाडी र उसका परिवार दुवैमा संक्रमणको सम्भावना नभएको बताएका छन् ।

यसअघि मार्चमा नै रोनाल्डो मडेरियामा आफ्नो आमालाई भेट्न आएका थिए ।

इटालीमा हुने सबै खेल प्रतियोगिता अप्रिल ३ सम्मका लागि स्थगित गरिएको छ । च्याम्पियन्स लिगको अन्तिम १६ को दोस्रो लेगमा युभेन्ट्सबिरुद्व लायनको दोस्रो लेगको खेल समेत स्थगित गरिएको छ ।