काठमाडौं । नेपालमा सम्पन्न १३ औं दक्षिण एसियाली खेलकुद (साग) मा स्वर्ण विजेता उसुका विजय सिंजालीलाई काब्य स्कुलले सम्मान गरेको छ ।
विद्यालयको अभिभावक दिवसका अवसरमा काब्यले सोमबार विजयलाई सम्मान गरेको हो ।
सागमा स्वर्ण जित्दै राष्ट्रको नाम उँचो बनाएको भन्दै काब्यले नगद १० हजार र सम्मानपत्रबाट विजयलाई सम्मान गरेको हो । उनलाई काब्य स्कुलका प्रिन्सिपल नवराज बाँस्कोटा र नेपाल सरकारका सचिव सूर्यप्रसाद गौतमले सम्मान गरेका थिए ।
खेलकुदका माध्यमबाट देशको नाम उँचो बनाउन सफल खेलाडीको हौसला बढाउन विजयलाई सम्मान गरेको प्रिन्सिफल बाँस्कोटाले बताए ।
१३ औं सागमा विजयले उसुको थाउलोमा स्वर्ण जितेका थिए । उनले श्रीलंका र बंगलादेशका खेलाडीलाई पछि पार्दै स्वर्ण जितेका थिए ।
काब्यले यसअघि १३औं सागकी स्वर्ण विजेता तेक्वान्दो खेलाडी संगीता बस्याललाई पनि नगदसहित सम्मान गरेको थियो ।
