दिदीबहिनी कप महिला भलिबलमा सरस्वती सर्वोकृष्ट

पर्वत । चौथों संस्करणको दिदीबहिनी कप राष्ट्रिय भलिबल प्रतियोगितामा एपीएफ क्लबकी सरस्वती चौधरी सर्वोकृष्ट खेलाडी घोषित भएकी छिन् ।

पर्वतको बेनीमा एपीएफलाई च्याम्पियन बनाउन उत्कृष्ट प्रदर्शन गरेकी सरस्वती सर्वोकृष्ट चुनिएकी हुन् । सर्वोकृष्ट बनेसँगै सरस्वतीले नगद १० हजार प्राप्त गरिन् ।

यस्तै प्रतियोगितामा उत्कृष्ट सर्भर न्यु डायमण्डकी पनामिका राई, उत्कृष्ट सेटर पुलिसकी कमला पुन, उत्कृष्ट ब्लकर पुलिसकै कोपिला राना चुनिए ।

यस्तै उत्कृष्ट डिफेन्डर न्यु डायमण्डकी सलिना श्रेष्ठ, स्पाइकर एपीएफकी निरुता ठगुन्ना र उत्कृष्ट प्रशिक्षक एपीएफका महेश चौधरी चुनिए । उत्कृष्ट हुनेले समान ५/५ हजार प्राप्त गरे ।

प्रतियोगिताको उपाधि भने एपीएफले जितेको छ । फाइनलमा एपीएफले पुलिसलाई ३-१ को सेटमा पराजित गर्यो ।

यस्तै आर्मीलाई ३-० को सेटमा हराएर न्यु डायमण्डले तेस्रो स्थान हासिल गर्यो ।