माल्दिभ्समा पोखरा युथ क्लब च्याम्पियन

काठमाडौं । माल्दिभ्समा माघे संक्रान्तिको अवसरमा आयोजना भएको भलिबल प्रतियोगिताको उपाधि आयोजक पोखरा युथ क्लबले जितेको छ ।

शुक्रबार भएको फाइनलमा पर्वत युथ क्लबलाई ३-१ को सेटमा पराजित गर्दै पोखराले उपाधि जितेको हो ।

उपाधि जित्ने क्रममा पोखराले पर्वतलाई २५-२३,२५-२१,१७-२५ र २५-१६ ले पराजित गरेको हो ।

प्रतियोगितामा ४ टिमको सहभागिता रहेको आयोजकका विकास गुरुङले जानकारी गराए । विकास पोखराको टिमका खेलाडी समेत हुन् ।

यस्तै विकासले उपाधि भर्खरै जन्मिएकी छोरिलाई समर्पित गरेको बताए ।