सन्दीपको टिम मेलबर्नलाई १८७ रनको लक्ष्य

एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सलाई बिग बास लिग (बीबीएल) क्रिकेटमा ब्रिसबेन हिटले जितका लागि १ सय ८७ रनको लक्ष्य प्रस्तुत गरेको छ ।

मेलबर्नमा पहिले ब्याटिङ गरेको ब्रिसबेनले २० ओभरमा ५ विकेट गुमाएर १ सय ८६ रन बनायो ।

ब्रिसबेनका लागि एबी डी भिलियर्सले ७१ रनको अर्धशतकीय इनिङ्स खेले । कप्तान क्रिस लिनले ३४ रन बनाए ।

मेलबर्नका लागि एडम जाम्पाले ३ विकेट लिए । सन्दीपले ४ ओभरमा १६ रन खर्चिएर १ विकेट लिए । यससँगै सन्दीपले यस सिजन १३ खेलमा १५ विकेट हात पार्न सफल भएका छन् ।

मेलबर्न १३ खेलमा १० जितसहित २० अंक जोडेर शीर्ष स्थानमा रहेको छ । ब्रिसबेनविरुद्ध जित निकाल्दै मेलबर्न उक्त जितको लय कायम राख्न चाहन्छ ।

ब्रिसबेन १० जोडेर लिगको सातौं स्थानमा रहेको छ ।