व्रोड भिजन एकेडेमी र त्रिभुवन माविको जित

धनगढी । व्रोड भिजन र त्रिभुवन माविले धनगढीमा प्रथम अन्तरविद्यालय स्तरीय महिला क्रिकेट प्रतियोगितामा सुरुवात गरेका छन् ।

कैलाली जिल्ला खेलकुद विकास समितिको आयोजना तथा कैलाली जिल्ला क्रिकेट क्लबको व्यवस्थापनमा सुरु प्रतियोगिताको पहिलो खेलमा व्रोड भिजनले एरिष्टो स्कुलाई ५ विकेटले पराजित गर्यो ।

पहिले ब्याटिङ गरेको एरिष्टोले निर्धारित ओभरमा ५ विकेट गुमाएर ६९ रन बनायो । जवाफमा व्रोड भिजनले ९ ओभरमा ५ विकेट क्षतिमा विजय लक्ष्य पुरा गर्यो ।

दोस्रो खेलमा त्रिभुवन माविले लिटिल फ्लावरलाई ३६ रनले हरायो । पहिले ब्याटिङ गरेको त्रिभुवनले निर्धारित ओभरमा ७ विकेट गुमाएर ८८ रन बनायो ।

जवाफी ब्याटिङ गरेको लिटिल फ्लावरले अलआउट हुँदै ५२ रन मात्रै बनाउन सक्यो ।

प्रतियोगिताको दोस्रो दिन शनिबार तीन खेल हुनेछन् । पहिलो खेलमा धनगढी नमुना मावि र शारदा मावि दोस्रो खेलमा राष्ट्रिय तुल्सीराम मावि र क्यास्पीयन एकेडेमी र तेस्रो खेलमा व्रोढ भिजन र त्रिभुवन मावि प्रतिस्पर्धा गर्नेछन्।