नेपालसँगको सिरिजको लागि ओमानी टिमको घोषणा

काठमाडौं । ओमानले आईसीसी विश्व क्रिकेट लिग-२ अन्तर्गत र अमेरिकासँगको सिरिजका लागि राष्ट्रिय क्रिकेट टिमको घोषणा गरेको छ ।

ओमानले जिशान माक्सुदको कप्तानीमा सिरिज खेल्ने टिमको घोषणा गरेको हो ।

ओमानी टिममा कप्तान माक्सुदसहित अकिब, जातिन्दर सिंह, खवर अली, सानुथ इब्राहिम, सुरज कुमार, मुहमद नासिम, सन्दीप गौड,मुहमद नादिम, जय ओडेड्रा, बादल सिंह, अहमेद फायज, कालिमुल्लाह र बिलाल खान रहेका छन् ।

कीर्तिपुरस्थित टियु मैदानमा हुने सिरिज फेब्रुवरी ५ देखि १२ सम्म चल्नेछ ।

सिरिजका लागि यस अघि अमेरिकाले टिमको घोषणा गरिसकेको छ । नेपालले भने टिमको घोषणा गरेको छैन ।