काठमाडौं जिल्ला बक्सिङको अध्यक्षमा तण्डुकार

काठमाडौं । काठमाडौं जिल्ला बक्सिङ संघको विशेष साधारण सभाले नवीन तण्डुकारको अध्यक्षतामा ५ सदस्यीय जिल्ला कार्यसमिति शुक्रबार निर्विरोध चयन गरेको छ ।

उपाध्यक्षमा दीपक महर्जन, सचिवमा रमेश श्रेष्ठ र कोषाध्यक्षमा किशोर खत्री केसी रहेका छन् । केशव रन्जित सदस्यमा चयन भए ।

राष्ट्रिय खेलकुद परिषद्का सदस्य एवं नेपाल बक्सिङ संघका वरिष्ठ उपाध्यक्ष अर्जुनबहादुर केसी प्रमुख अतिथि रहेको विशेष साधारण सभामा नेपाल बक्सिङ संघका अध्यक्ष राम अवाले, काठमाडौं जिल्ला खेलकुद विकास समितिका प्रतिनिधि सानुराजा केसी, नेपाल बक्सिङ संघका सदस्य श्याम अवालेलगायतको उपस्थिति रहेको नेपाल बक्सिङ संघले जनाएको छ ।

जिल्ला कार्यसमितिको पहिलो बैठकले ८ सदस्य मनोनयन गर्ने निर्णय पनि गरेको छ ।

राजकृष्ण महर्जन, सुरेन्द्र महर्जन, कवुना श्रेष्ठ, राजकुमार महर्जन, सुनिता महर्जन, नवराज केसी, कृष्ण महर्जन र उमेश रिजाल सदस्यमा मनोनित भए ।