मिलन युवा क्लबलाई उपाधि

काठमाडौं । कास्कीको माछापुच्छ्रे गाउँपालिका घलेलमा आयोजना भएको भलिबल प्रतियोगिताको उपाधि मिलन युवा क्लब धम्पुसले जितेको छ ।

आइतबार भएको फाइनलमा जुरे भूमि युवा क्लबलाई ३-० को सोझो सेटमा हराएर मिलनले उपाधि जितेको हो । उपाधि जित्ने क्रममा मिलनले जुरे भूमिलाई २५-२०, २५-२१ र २५-२२ को सेटमा पराजित गर्यो ।

उपाधिसँगै मिलनले ७० हजार नगद प्राप्त गरेको छ । उपविजेता जुरे भूमिले ४० हजारमा चित्त बुझाएको छ ।

१२ औं ल्होछार घलेल उत्सवको अवसरमा प्रतियोगिता आयोजना भएको थियो ।