श्रीलंकन टिममा म्याथ्युजको पुनरागमन

एजेन्सी । श्रीलंकाका पूर्व कप्तान एन्जेलो म्याथ्युजले राष्ट्रिय क्रिकेट टिममा पुनरागमन गरेका छन् ।

भारतसँगको टी-ट्वान्टी सिरिजको लागि घोषणा गरिएको १६ सदस्सीय टिममा पर्दै म्याथ्युजले टिममा पुनरागमन गरेका हुन् । म्याथ्युज करिब १६ महिनापछि टिममा परेका हुन् ।

श्रीलंकाले जनवरी ५ बाट भारतसँग तीन खेलको टी-ट्वान्टी सिरिज खेल्दैछ । गुवाहाटीमा हुने पहिलो टी -ट्वान्टी जनवरी ५ मा हुनेछ ।

३२ वर्षीय अलराउण्डर म्याथ्युजले पछिल्लो पटक सन् २०१८ को अगष्टमा दक्षिण अफ्रिकाविरुद्ध टी-ट्वान्टी सिरिज खेलेका थिए ।

भारतविरुद्धको सिरिजमा श्रीलंकाको कप्तानी लासिथ मालिंगाले गर्ने छन् ।