स्पोर्टस अवार्डलाई ठाकुर ग्रुपको साथ

धनगढी । पहिलो सुदूरपश्चिम स्पोर्टस अवार्डलाई धनगढीको ठाकुर ग्रुपले प्रायोजन गरेको छ ।

नेपाल खेलकद पत्रकार मञ्च कैलालीले पुस १५ गते आयोजना गर्ने प्रथम सुदूरपश्चिम स्पोर्टस अवार्डलाई ठाकुर ग्रुपले अवार्डको एक विधालाई प्रायोजन गरेको हो ।

ठाकुर ग्रुपले लाईफटाईम एचिभमेन्ट अवार्डलाई प्रायोजन गरेको हो । यो विधाको नामा ठाकुर ग्रुप लाईफ टाईम एचिभमेन्ट अवार्ड रहने भएको छ ।

प्रायोजन सम्बन्धी सम्झौता पत्रमा ठाकुर ग्रुपका प्रबन्ध निर्देशक हरिशंकर ठाकुर र नेपाल खेलकुद पत्रकार मञ्चका सल्लाहकार दिपक उपाध्यायले हस्ताक्षर गरे ।

पुस १५ गते हुने अवार्ड विभिन्न ६ विधामा दिईनेछ । बर्ष पुरुष खेलाडी, बर्ष महिला खेलाडी, बर्ष युवा खेलाडी, बर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने छ ।

चार वटा विधामा तीन÷तीन जनाको मनोनयन सार्वजनिक गरिनेछ भने स्पेशल अवार्ड र लाईफ टाईम एचिभमेन्ट अवार्डको घोषणा कार्यक्रम आयोजना हुने दिनमा नै गरिनेछ । अवार्डका सवै ६ वटा विधाको प्रायोजन भईसकेको छ ।

बर्ष पुरुष खेलाडीलाई शारदा राईस मिल, बर्ष महिला खेलाडीलाई निसर्ग अस्पताल, वर्ष युवा खेलाडीलाई केटिएम वाईक, बर्ष प्रशिक्षकलाई दिनेश सोप स्पेशल अवार्डलाई माया मेट्रो हस्पिटल र लाईफ टाईम एचिभमेन्ट अवार्डलाई ठाकुर ग्रुपले प्रयोजन गरिसकेको अवार्ड कार्यक्रमका संयोजक तथा नेपाल खेलकुद पत्रकार मञ्च कैलालीका महासचिव प्रदीप पाठकले जानकारी दिए ।

त्यसैगरी अवार्डको सह–प्रायोजकको रुपमा शौभाग्यश्वर फार्मेसी रहेको छ भने हस्पिटल पाटर्नरमा घोडाघोडी अस्पताल, हस्पिटालिटी पाटर्नरमा ड्रिम ग्रुप अफ म्यानेजमेन्ट र प्रवद्र्धकको रुपमा कैलाली जिल्ला खेलकुद विकास समिती र घोडाघोडी नगरपालिका रहेका छन् ।

चार वटा विधाका विजेतालाई नगद २५ हजार सहित ट्रफी र मेडल प्रदान गरिनेछ भने स्पेशल अवार्ड र लाईफ टाईम एचिभमेन्ट अवार्ड पाउनेलाई नगद १० हजार सहित ट्रफी र मेडल प्रदान गरिने उनले जानकारी दिए ।