'ए' डिभिजन लिग : भोलीको दुबै खेल दशरथ रंगशालामा

काठमाडौं । सहिद स्मारक 'ए' डिभिजन लिग अन्तर्गत सोमबार (भोली) हुने दुबै खेल दशरथ रंगशालामा हुने भएको छ ।

अखिल नेपाल फुटबल संघ (एन्फा) ले आइतबार प्रेस विज्ञप्ति निकाल्दै सोमबारको दुवै खेल रंगशालामा हुने जनाएको छ । यस अघि एक खेल सातदोबाटोस्थित एन्फा कम्प्लेक्स र एक खेल दशरथ रंगशालामा हुने तालिका रहेको थियो ।

अब त्रिभुवन आर्मी क्लब र मनाङ मर्स्याङ्दी क्लबबीचको खेल समेत रंगशालामा हुनेछ । आर्मी र मनाङबीचको खेल अपरान्ह १२ बजे सुरु हुनेछ ।

यस्तै थ्री स्टार क्लब र नेपाल पुलिस क्लबबीचको खेल दिउँसो ३ बजे सुरु हुनेछ ।

नेपाली यू-१५ महिला टिमले भुटानसँग एन्फा कम्प्लेक्समा मैत्रीपूर्ण खेल खेल्ने भएको कारण दुबै खेल रंगशालामा सारिएको हो ।

नेपाली टोलीले भुटानसँग २ बजे मैत्रीपूर्ण खेल खेल्नेछ ।