स्पोर्ट्स अवार्डको प्रवर्द्धकमा कैलाली जिल्ला खेलकुद विकास समिति

धनगढी । धनगढीमा आयोजना हुने प्रथम सुदूरपश्चिम स्पोर्ट्स अवार्डलाई कैलाली जिल्ला खेलकुद विकास समितिले सहयोग गर्ने भएको छ ।

नेपाल खेलकद पत्रकार मञ्च कैलालीले पुस १५ गते आयोजना गर्ने अवार्डलाई समितिले प्रवर्द्धकको रुपमा सहयोग गर्ने भएको हो । मञ्च र समितिबीच बुधबार सम्झौतामा हस्ताक्षर भएको छ ।

समितीका अध्यक्ष बाबुराजा श्रेष्ठ र मञ्चका महासचिव तथा अवार्ड कार्यक्रमका संयोजक प्रदीप पाठकले सम्झौता पत्रमा हस्ताक्षर गरे ।

आगामी पुस १५ गते हुने अवार्ड विभिन्न ६ विधामा दिईनेछ । वर्ष पुरुष खेलाडी, वर्ष महिला खेलाडी, वर्ष युवा खेलाडी, वर्ष प्रशिक्षक, स्पेशल अवार्ड र लाईफ टाईम एचिभमेन्ट अवार्ड प्रदान गरिने छ ।

चार वटा विधामा तीन÷तीन जनाको मनोनयन सार्वजनिक गरिनेछ भने स्पेशल अवार्ड र लाईफ टाईम एचिभमेन्ट अवार्डको घोषणा कार्यक्रम आयोजना हुने दिनमा नै गरिनेछ ।

चार वटा विधाका विजेतालाई नगद २५ हजार सहित ट्रफी र मेडल प्रदान गरिनेछ भने स्पेशल अवार्ड र लाईफ टाईम एचिभमेन्ट अवार्ड पाउनेलाई नगद १० हजार सहित ट्रफी र मेडल प्रदान गरिने छ ।