पीपीएलमा दुई खेल – काठमाडौंलाई जितको दबाब
पोखरा । दोस्रो संस्करणको पोखरा प्रिमियर लिग क्रिकेट (पीपीएल) मा आज (सोमबार) दुई खेल हुँदैछ ।
पहिलो खेलमा विराटनगर टाईटन्स र धनगडी ब्लुज तथा दोस्रो खेलमा काठमाडौं गोल्डेन र बुटवल ब्लास्टर्सबीच प्रतिस्पर्धा हुनेछ ।
पोखरा रंगशालामा हुने पहिलो खेल बिहान ९ बजे सुरु हुनेछ ।
बिराटनगर प्रदिप ऐरीको कप्तानीमा रहेको छ भने धनगढीको नेतृत्व राष्ट्रिय टिमका उपकप्तान समेत रहेका दिपेन्द्र सिंह ऐरीले गर्नेछन् ।
गत संस्करणको पीपीएलमा यी दुई टोली लिग चरणमा खेलेका थिए । जसमा धनगडीले बिराटनगरलाई ७८ रनले पराजित गरेको थियो ।
मैदान उत्रँदा दुवै टोली सुखद सुरुवात गर्न चाहन्छन् ।
यस्तै, दिउँसो पौने १ बजे हुने खेलमा बुटवल ब्लास्टर्सले काठमाडौं गोल्डेन्ससंग खेल्नेछ ।
उद्घाटन खेलमा घरेलु टोली पोखरा पल्टनसंग पराजित भएको काठमाडौँ दोस्रो खेलमा जित निकाल्दै अघिल्लो चरण प्रवेशको सम्भावना कायम राख्न चाहन्छ ।
यस्तै, बुटवल समेत सुखद सुरुवातको लक्ष्यमा रहेको छ ।
बुटवलको कप्तानी सोमपाल कामीले गर्नेछन् भने काठमाडौंको कप्तानी ज्ञानेन्द्र मल्लले गर्नेछन् ।
गत संस्करणको लिग चरणको खेलमा काठमाडौंले बुटवललाई ३७ रनले पराजित गरेको थियो ।
