सागका पदकधारीलाई ललितपुर महानगरले सम्मान गर्ने

काठमाडौं । घरेलु भूमीमा सम्पन्न १३ औं दक्षिण एसियाली खेलकुद प्रतियोगिता (साग)का पदकधारी खेलाडीलाई ललितपुर महानगरले सम्मान गर्ने भएको छ ।

महानगर स्थापना दिवसका अवसरमा ललितपुर महानगरले मंगलबार सागका पदक विजेता खेलाडीलाई नगद सहित सम्मान गर्न लागेको हो ।

महानगरले आफ्नो क्षेत्रभित्र स्थायी बसोबास भएका खेलाडीलाई मंगलबार बिहानसम्म नाम पठाउन सूचना जारी गरेको छ ।

महानगरले मंगलबार बिहान १० बजे सामान्य प्रशासन मन्त्री ह्यदेश त्रिपाठीबाट खेलाडीलाई नगद सहित सम्मान गर्ने योजना बनाएको छ ।

खेलकुदको माध्यमबाट राष्ट्रिय गौरव बढाउने आफ्ना नगरका खेलाडीलाई प्रोत्साहन स्वरुप सम्मान गर्न लागिएको ललितपुर महानगरले जनाएको छ ।

महानगरले यसअघि आफ्नो क्षेत्रमा रहेका विभिन्न श्रेणीका फुटबल क्लबलाई आर्थिक सहयोग गर्दै आएको छ ।