पहिलो हाफमा नेपाल र भुटानको बराबरी

काठमाडौं। १३ औं दक्षिण एशियाली खेलकुद (साग) अन्तर्गत पुरुष फुटबलको फाइनलमा नेपालले अहिले भुटानसँग प्रतिस्पर्धा गरिरहेको छ ।

त्रिपुरेश्वरस्थित दशरथ रंगशालामा जारी खेलको पहिलो हाफ सकिदा नेपाल र भुटानले १-१ गोलको बराबरी खेलेको छ ।

खेलको १६ औं मिनेटमा अभिषेक रिजालको गोलमा नेपालले अग्रता बनाएको थियो । 

तर, भुटानका कप्तान चेन्चो ग्याल्सेनले गोल गर्दै खेल बराबरीमा ल्याएका थिए ।