तेक्वान्दोका पदक विजेता अस्ट्रेलियामा सम्मानित

काठमाडौं । गोल्ड कोस्ट ओपनमा तेक्वान्दो च्याम्पियनसिपमा पदक विजेता खेलाडी अस्ट्रेलियामा सम्मानित भएका छन् ।

अस्ट्रेलियामा आज आयोजित एक कार्यक्रममा न्यु साउथ वेल्समा रहेको नेपाली दुतावासका कन्सुलर दीपक खड्काले पदक विजेता खेलाडीलाई सम्मान गरेका हुन् ।

गत २८ र २९ जुलाईसम्म भएको ९ औँ गोल्ड कोस्ट ओपनमा नेपालकालागि पदक विजेता सितु सिंह मास्के, अभिनव शाक्य र यनचेङ शेर्पा तथा प्रशिक्षकद्वय कुमार लामा घिसिङ र कविराज नेगी लामा सम्मानित भएका हुन् ।

पदक विजेता तेक्वान्दो टोलीलाई कन्सुसलर दीपक खड्का र गुठी अस्ट्रेलियाका सल्लाहकारले बधाई दिँदै सम्मानपत्र प्रदान गरेका थिए ।
अभिनवले पुम्से र ग्यरोगीमा स्वर्ण जित्दा सितुले ग्यरोगीमा स्वर्ण र पुम्सेमा कांस्य पदक जितका थिए ।

यनचेङले पुम्सेमा मात्र सहभागिता जनाउँदा स्वर्ण पदक जितेकी थिइन् ।

सो अवसरमा कन्सुलर खड्काले विदेशमा स्वर्ण जित्दै नेपालको नाम उचो राख्ने खेलाडी देशको गहना रहेको बताएका थिए ।