युएईमा सर्वाधिक पुरस्कार राशीको भलिवल प्रतियोगिता हुने

काठमाडौं । नेवाः पुचः यूएईले आफ्नो स्थापनाकालको अवसरमा भलिबल प्रतियोगिताको आयोजना गर्ने भएको छ । यूएईको वर दुबईस्थित एभरेष्ट मार्सल आर्टसको हलमा पत्रकार सम्मेलन गर्दै नेपाल पत्रकार महासंघ यूएईका अध्यक्ष भूपराज बस्यालले प्रतियोगिताको आयोजनाबारे जानकारी दिएका छन् ।

कार्यक्रममा पुचःका खेलकुद संयोजक हिरालाल श्रेष्ठले यूएईस्थित नेपालीबीचमा भाईचारा स्थापना गर्दै भलिवल खेलाडीलाई प्रोत्साहन गर्न प्रतियोगिताको आयोजना गर्न लागिएको बताए ।

प्रतियोगिता ईस्लाम धर्मको महान चाड ‘वकर ईद’ को दिनमा हुनेछ ।

१८ टिम सहभागि हुने प्रतियोगिता जुबेल अलिको लेवर क्याम्पको नुजल भलिबल कोर्टमा हुनेछ । युएईको इतिहासमा भलिवलतर्फ पुरस्कार राशी सर्वाधिक रहने आयोजकले जनाएको छ । पहिलो र दोश्रो हुने टिमले ट्रफी, मेडल सहित नगद प्राप्त गर्नेछ ।

प्रतियोगितामा प्राबिधिक सहयोग एभरेष्ट मार्शल आर्ट्सले गर्नेछ ।