सागको उद्घाटन अघि तीन खेल सुरु हुने

काठमाडौं । तेह्रौ दक्षिण एसियाली खेलकुद प्रतियोगिता (साग)को खेल तालिकाको टुङ्गो लागेको छ ।

तालिका अनुसार उद्घाटन अघिनै भलिबलका खेल सुरु हुने भएको छ ।

सागको टुङ्गो लागेको तालिका अनुसार मंसिर ११ बाट भलिबलका खेलहरु सुरु हुनेछ ।

भलिबलका खेलहरु काठमाडौंको त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा हुनेछ ।

भलिबलका खेल मंसिर ११ देखि १७ गतेसम्म चल्नेछ ।

सागको औपचारिक उद्घाटन मंसिर १५ गते काठमाडौंको दशरथ रंगशालामा हुनेछ ।

राखेपका अनुसार सागको उद्घाटन अगाडी भलिबल सहित तीन खेल सुरु हुनेछ ।

भलिबल सहित, प्याराग्लाईडिङ र उसुका खेल उद्घाटन अघिनै सुरु हुनेछन् ।

उसुको खेल मंसिर १३ बाट १९ सम्म ललितपुरको लगनखेलस्थित आर्मी शारिरिक तथा फिटनेश सेन्टरमा हुनेछ ।

प्याराग्लाईडिङका खेल मंसिर १४ बाट २३ गतेसम्म पोखरामा चल्नेछ ।

तालिका अनुसार उद्घाटनको दिन मंसिर १५ गते ब्याडमिन्टन, पुरुष फुटबल, कराँते, खोखो, टेनिसका खेलहरु सुरु हुनेछ ।

हेर्नुस खेलकाे तालिका :