नेत्रहीन क्रिकेटको अध्यक्षमा पुन: पवन

काठमाडौं । नेपाल नेत्रहीन क्रिकेट संघको अध्यक्षमा पुन: पवन घिमिरे निर्वाचित भएका छन् ।

संघको शुक्रबार बसेको १५ औं वार्षिक साधारणसभा तथा पाँचौ अधिवेसनले नयाँ कार्यकालको लागि घिमिरेलाई अध्यक्षमा चयन गरेको हो ।

यस्तै संघले उपाध्यक्षमा अमृत बराल, महासचिवमा बिक्रम बहादुर राना, कोषाध्यक्षमा उपेन्द्र श्रेष्ठ र सचिबमा गीता पौडेल चयन भएका छन् ।

यस्तै सदस्यमा रमेश पोख्रेल, सम्राट गौतम उपाध्याय, निल कण्ठ तिमिल्सिना, निर्मल पौडेल, भगवती भट्टराई र अकबर जोशी निर्वाचित भएका छन् ।

सबै सदस्य सर्वसम्मत निर्वाचित भएका हुन् ।