डब्लुसिएल च्याम्पियनले ७ लाख पाउने

काठमाडौँ । महिला फ्रेन्चाइज प्रतियाेगिता वुमेन च्याम्पियन्स लिग (डब्लुसिएल) को विजेता टिमले उपाधि सहित सात लाख रुपैयाँ पाउने भएका छ ।

डब्लुसिएलका प्रबन्ध निर्देशक छुम्बी लामाले एक विज्ञप्ती निकाल्दै विजेता टोलीले उपाधि सहित सात लाख रुपैयाँ पाउने जानकारी दिएका हुन् ।

यस्तै, उपविजेता टोलीले उपाधि सहित तीन लाख रुपैयाँ प्राप्त गर्नेछ।

प्रत्यक खेलकाे 'प्लेअर अफ द म्याच'ले पाँच हजार र ट्रफी प्राप्त गर्ने छ।

यस्तै प्रतियोगिताको उत्कृष्ट खेलाडीले टिभिएसको १ सय २५ सीसीकाे स्कुटर र ५० हजार पाउने छन् भने बेस्ट बलर र ब्याट्सवुमनले जनही २५ हजार प्राप्त गर्ने छन् ।

डब्लुसिएलको उपाधि ट्रफी भोलि (मंगलबार) एक कार्यक्रममा सार्वजनिक गरिने आयोजक क्विन्स ईभेन्ट म्यानेजमेन्ट प्रालीका प्रबन्ध निर्देशक लामाले जनाएका छन् ।

डब्लुसिएल असोज २९ देखि कार्तिक ७ गते सम्म कीर्तिपुरस्तिथ त्रिवि क्रिकेट मैदानमा हुनेछ ।

पहिलो सस्ंकरणको लिगमा ललितपुर फाल्कोन्स, पोखरा पल्टन, किट क्याट काठमाडौं, चितवन राइनोज र विराटनगर टाइटन्सले प्रतिस्पर्धा गर्ने छन् ।