पहिलो ओभरमै सन्दीपले लिए विकेट

काठमाडौं । टी–ट्वान्टी सिरिज अन्तर्गत ओमानविरुद्व नेपालले पहिलो ओभरमै विकेट लिएको छ ।

लेग स्पिनर सन्दीप लामिछानेले नेपाललाई पहिलो सफलता दिलाएका छन् ।

पहिलो ओभरमा बलिङ गर्न आएका सन्दीपले ओकीब इलियासलाई पेविलियनको बाटो देखाएका हुन् ।

उनले इलियासलाई सोमपाल कामीको हातबाट क्याच आउट गराएका हुन् ।

ओमानविरुद्व पहिला ब्याटिङ गरेको नेपाल ६४ रनमा अल आउट भएको थियो ।

नेपाल ११ औ ओभरमा अलआउट हुदै ६४ रन बनाएको हो ।

६५ रनको सामान्य लक्ष्य सहित ओमानले जवाफी ब्याटिङ गरिरहेको छ ।