हार्दिक पाण्डय ३ महिना मैदान बाहिर

एजेन्सी । भारतीय क्रिकेट टिमका सदस्य हार्दिक पाण्डय ३ देखि ४ महिना मैदान बाहिर रहने भएका छन् ।

ढाडको तल्लो भागको चोटबाट पीडित हार्दिकले ढाडको शल्यक्रिया गरेसँगै उनी कम्तिमा ३ महिना मैदान बाहिर रहने भएका हुन् ।

अलराउण्डर हार्दिकले शनिबार लण्डनमा ढाडको तल्लो भागको शल्यक्रिया गरेका हुन् । र, उनको शल्यक्रिया सफल भएको बताईएको छ ।

हार्दिकले सामाजिक संजाल इन्स्टाग्राममा एक तस्विर पोष्ट गर्दै शल्यक्रिया सफल भएको बताएका छन् ।