काठमाडौं । नोब्स इन्ग्लिश बोर्डिङ स्कुल र नवज्योति इन्ग्लिश स्कुलले पहिलो संकरणको गोल्डेनगेट फुटसल मेला इन्टर स्कुल च्याम्पियनसिपको क्वाटरफाइनलमा स्थान बनाएका छन् ।
ललितपुर च्यासलस्थित नेसनल स्पोर्ट्स सेन्टरमा बुधबार भएको प्रि क्वाटरफाइनल खेलमा नोब्सले बीजीएसएस स्कुललाई ४ – २ गोल अन्तरले पराजित गर्यो । खेलमा नोब्सका नविन गौतम म्यान अफ दि म्याच चुनिए ।
अब नोब्सले क्वाटरफाइनलमा साहारा बोर्डिङ इन्ग्लिश स्कुलसंग खेल्ने छ । साहारा प्रि क्वाटरफाइनलमा वाक ओभर पाएर क्वाटरफाइनलमा पुगेको हो ।
नवज्योतिले माइल स्टोन स्कुललाई पेनाल्टीमा २–० ले हराउदै क्वाटरफाइनलमा स्थान पक्का गर्यो । नवज्योतिका विशाल मगर म्यान अफ दि म्याच चुनिए । नवज्योतिले क्वाटरफाइनलमा भीएस निकेतन र महालक्ष्मी स्कुलबीचको बिजेतासंग खेल्नेछ ।
खेलपाटी डटकमले आयोजना गरेको च्याम्पियनसिप अन्तर्गत नै दरबार स्कुलले स्वप्न बाटिका स्कुललाई ४-३ ले हराएर क्वाटरफाइनलमा स्थान पक्का गर्यो । खेलमा दरबारका सागर थापा म्यान अफ दि म्याच चुनिए ।
अब दरबारको क्वाटरफाइनलमा ब्राइट फ्युचर स्कुलसंग खेल्ने छ । ब्राइट फ्युचरले होली भिजनलाई ४-१ ले हराएर क्वाटरफाइनलमा स्थान पक्का गरेको थियो । ब्राइटका दिवस खड्का म्यान अफ दि म्याच चुनिए ।
यस्तै दिव्य ज्ञान स्कुलले बिराट बोर्डिङ स्कुललाई ७-२ ले हराएर क्वाटरफाइनलमा स्थान पक्का गरेको छ । खेलमा बिराटका अबिषेक चौधरी म्यान अफ दि म्याच चुनिए । यो जितसंगै दिव्य क्वाटरफाइनल खेल नखेल्दै सेमिफाइनलमा प्रवेश गरेको छ । दिव्य ज्ञान बाई पाएर सेमिफाइनलमा पुगेको हो ।
कखरा प्रालिको ब्यबस्थापनमा जारी च्याम्पियनसिपमा २६ टोलीको सहभागिता रहेको छ । विजेताले ट्रफीसहित २० हजार प्राप्त गर्ने छन् । यस्तै उपविजेता टोलीले १० हजार प्राप्त गर्दा तेस्रो हुनेले ५ हजार प्राप्त गर्नेछन् । विधागततर्फ उत्कृष्ट हुने खेलाडीलाई पनि पुरस्कृत गरिने छ ।
-1750728768.webp)
