मनमैजु डोजो टिम च्याम्पियन

काठमाण्डौं । तेस्रो उपत्यकाब्यापी वादो कराते च्याम्पियनसिपमा मनमैजु डोजो टिम च्याम्पियन बनेको छ । 

अल नेपाल वादो काई कराते डो  र ईन्टरनेश्नल वादो फेडेरेसन नेपालको संयुक्त आयोजनामा भएको च्याम्पियनसिपमा ८ स्वर्ण ४ रजत ८ कास्य जित्दै मनमैजु टिम च्याम्पियन बनेको हो । 

५ स्वर्ण ३ रजत र ५ कास्य जित्दै ईचंगु डोजो दोस्रो र २ स्वर्ण १ रजत र २ कास्य जितेको नेपाल वादोरियो कराते डो तेस्रो भएको छ । अनुशासित टिम रामेछाप डोजो घोषित भयो । 

एकदिने उक्त प्रतियोगितामा उपत्यका भित्रका २० बिद्यालय र १५ डोजोको गरी तीन सय पचास खेलाडीहरुको सहभागिता रहेको थियो ।