एजेन्सी । स्विस टेनिस स्टार रोजर फेडेररले आफु बार्सिलोनाका स्टार लियोनल मेस्सीको ठूलो समर्थक भएको बताएका छन् ।
फाइनान्सियल टाइम्ससंगको अन्तर्वार्तामा टेनिसका महान खेलाडी फेडेररले आफु मेस्सीको ठूलो सर्मथक भएको बताएका छन् ।
‘म सधै मेस्सीको समर्थक हु । जब उनले बल पाउछन् र त्यसलाई गोल गर्नतर्फ आफुलाई पुरा केन्द्रित गर्छन् त्यो मलाई मनपर्छ ।’ फेडेररले भने, ‘त्यसपछि उनले पास, ड्रिभलिङ र सुट गर्छन् । त्यहाँ उनीसँग जहिल्यै तीन विकल्प हुन्छ ।’
पाँच पटकको बालोन डी’ ओरको विजेता मेस्सीले यसै सिजन छैंठौ पटक गोल्डेन शु अर्वाड हात पारेका छन् । साथै मेस्सीले छैंठौ पटक पीचीची अर्वाड पनि जितेका छन् ।
यता, इतिहासकै सर्वाेत्कृष्ट टेनिस खेलाडी फेडेरर २० पटकको ग्राण्डस्लाम विजेता खेलाडी हुन् । फेडेरर सर्वाधिक धेरै पटक ग्राण्डस्लाम टेनिसको उपाधि जित्ने एक्लो खेलाडी हुन् ।
