विश्वकप छनोट खेल्ने क्रिकेट टोलीको घोषणा आज, को को पर्लान् ?

काठमाडौं । सिंगापुरमा आयोजना हुने आईसीसी टी-ट्वान्टी विश्वकप एसिया फाइनलका लागि नेपाली राष्ट्रिय टोलीको घोषणा आज (आइतबार) हुँदैछ ।

राजधानीमा आइतबार अपरान्ह १२ बजेपछि पत्रकार सम्मेलन गरेर विश्वकप छनोट खेल्ने नेपाली टोलीको घोषणा गरिनेछ । नेपालले पहिलो पटक पत्रकार सम्मेलन गरेर टिम घोषणा गर्न लागेको हो ।

नेपालले बन्द प्रशिक्षणमा रहेका २५ खेलाडीबाट १४ सदसीय टिमको घोषणा गर्नेछ । विश्वकप छनोटमा परेको टिम तयारीका लागि मलेसिया जानेछ ।

तयारी स्वरुप नेपालले मलेसियासंग द्विपक्षीय टी-ट्वान्टी अन्तराष्ट्रिय क्रिकेट सिरिज खेल्नेछ । नेपालले आगामी जुलाईमा मलेसियासंग उसैको मैदानमा २ खेलको सिरिज खेल्ने छ । नेपाल र मलेसियाबीचको सिरिज जुलाई १३ र १४ (असार २८-२९) मा हुनेछ ।

सन् २०२० मा अष्ट्रेलियामा आयोजना हुने विश्वकपको छनोटको रुपमा रहेको फाइनल जुलाई २२ देखि २८ सम्म सिंगापुरमा आयोजना हुनेछ ।

एसिया छनोटमा नेपालसहित आयोजक सिंगापुर, मलेसिया, कतार र कुवेत रहेका छन् । नेपाल पहिलो खेल कतारसंग खेल्नेछ ।

नेपाल र कतारबीचको खेल २३ जुलाईमा हुनेछ । यस्तै नेपालले दोस्रो खेलमा मलेसियासंग २४ जुलाई, २७ जुलाईमा कुवेत र २८ जुलाईमा सिंगापुरसंग खेल्नेछन् । छनोट शीर्ष टोलीले विश्वकपको ग्लोबल छनोटमा स्थान बनाउने छन् ।

ग्लोबल छनोट अक्टोबर ११ देखी नोभेम्बर ३ सम्म युएईमा आयोजना हुनेछ। एसिया छनोटमा युएई भने आयोजकको रुपमा स्वतः ग्लोबल छनोटमा पुगेको छ ।

बन्द प्रशिक्षणमा परेका नेपाली टोली :

पारस खड्का (कप्तान)

ज्ञानेन्द्र मल्ल

अविनाश बोहरा

बसन्त रेग्मी

अमित श्रेष्ठ

भिम सार्की

बिनोद भण्डारी

दिपेन्द्र सिंह ऐरी

जितेन्द्र कुमार मुखिया

करण केसी