यू-१९ क्रिकेट टोली आइतबार मलेसिया जाने

काठमाडौं । मलेसियामा आयोजना हुने एसीसी यू-१९ इस्टर्न रिजन क्रिकेटका लागि नेपाली टोली आइतबार त्यसतर्फ प्रस्थान गर्ने भएका छन् ।

अर्को साताबाट सुरु हुने प्रतियोगिताको १४ सदसीय नेपाली टोली आइतबार त्यसतर्फ प्रस्थान गर्ने नेपाली राष्ट्रिय क्रिकेट टोलीका टिम म्यानेजर रमण शिवाकोटीले जानकारी गराए ।

प्रतियोगिता जुलाई २ देखि ९ सम्म हुनेछ । प्रतियोगिताको लागि नेपालले मंगलबार रोहित कुमार पौडेलको कप्तानीमा १४ सदसीय टिमको घोषणा गरिसकेको छ ।

नेपाली टोलीमा चार खेलाडी नयाँ अनुहार रहेका छन् । खड्क बोहोरा, तिलक भण्डारी, विशाल बिक्रम केसी र लोकेश बमले पहिलो पटक टिममा स्थान बनाएका छन् ।

प्रतियोगिताको पहिलो खेलमा नेपालले म्यानमारसंग खेल्नेछ । समूह 'ए' मा रहेको नेपालले म्यानमारसंग जुलाई २ मा खेल्नेछ ।

यस्तै नेपालले दोस्रो खेलमा जुलाई ५ मा सिंगापुर र अन्तिम खेलमा जुलाई ६ मा चीनसंग खेल्नेछ ।

अर्को समूहमा आयोजक मलेसिया, भुटान, हङकङ र थाईल्याण्ड रहेका छन् ।

समूहको शीर्ष दुई टोलीले सेमिफाइनलमा स्थान बनाउने छन् ।

नेपाली टिम :

रोहित कुमार पौडेल (कप्तान)

रित गौतम

पवन सर्राफ

भिम सार्की

कुशल मल्ल