रुस विश्वकपको उत्कृष्ट १० गोल, कुन खेलाडीको कुन गोल उत्कृष्ट ?

एजेन्सी । फिफा विश्वकपको २१ औं संस्करण रुसमा जारी छ । रुस विश्वकपको सेमिफाइनलका खेलहरु मंगलबारबाट हुँदैछ ।

रुस विश्वकपको सेमिफाइनलमा युरोपमा चार टोलीले स्थान बनाएका छन् । यो पटक फ्रान्स, बेल्जियम, इंग्ल्यान्ड र क्रोएसियाले सेमिफाइनलमा खेल्नेछन् ।

विश्वकपमा अहिलेसम्म ६४ खेलमा ६० खेल सकिएको छ । अब चार खेल बाँकी रहेको छ । विश्वकपको ६० खेल सकिदासम्म कुन १५७ गोल भएका छन् । यो विश्वकमा प्रत्येक खेलमा औसत २.६ का दरले गोल भएका छन् ।

यस्तोमा जारी विश्वकपमा भएका उत्कृष्ट गोलहरुको खोजी सुरु भएको छ । र, यो विश्वकपमा धेरै खेलाडीहरुले सुन्दर गोलहरु गरेका छन् । जसमध्ये केहि खेलाडीको गोल निकै उत्कृष्ट रहेको थियो ।

फ्रान्सका बेन्जामिन पाभर्ड, पोर्चुगलका क्रिस्टियानो रोनाल्डो, अर्जेन्टिनाका एन्जल डी मारिया लगायतले उत्कृष्ट गोल गरेका छन् । हेर्नुस विश्वकपमा भएका शीर्ष १० सुन्दर गोलहरु :

 

• बेन्जामिन पाभर्ड (फ्रान्स)

फ्रान्सका डिफेन्डर बेन्जामिन पाभर्डको गोल जारी विश्वकपमा सबैभदा उत्कृष्ट गोल हो । पाभर्डले गरेको गोल जारी विश्वकपको गोलमध्ये एक नम्बरमा रहेको छ । विश्वकप अन्तर्गत प्रि क्वाटरफाइनलमा अर्जेन्टिनाविरुद्ध गरेको उनको हाफ भली गोल निकै सुन्दर रहेको थियो ।

डिबक्स बाहिरबाट उनले प्रहार गरेको लामो सुट निकै सुन्दर तरिकाले गोलमा परिणत भएको थियो । उनकै उकृष्ट एक गोल मद्दतले फ्रान्सले अर्जेन्टिनालाई ४-३ ले हराएको थियो ।

• नाचो (स्पेन)

समूह चरणको पहिलो खेलमा डिफेन्डर नाचोले गरेको गोल जारी विश्वकपको उत्कृष्ट गोलमध्ये एक हो । पोर्चुगलविरुद्धको खेलमा डिबक्स बाहिरबाट उनले गरेको हाफ भली गोल विश्वकपकै दोस्रो उत्कृष्ट गोल हो ।

नाचोले उत्कृष्ट गोल गरेपछि स्पेन र पोर्चुगलले ३ – ३ गोलको बराबरी खेलेको थियो । जारी विश्वकपमा उनको गोल सर्वाधिक मन पराइएको गोल पनि हो ।

 

• टोनी क्रुस (जर्मनी)

जर्मनी विश्वकपको समूह चरणबाटै बाहिरिए पनि मिडफिल्डर टोनी क्रुसले गरेको गोल विश्वकपमै हेर्न लायक गोल रह्यो । स्विडेनविरुद्ध २ – १ ले जित निकाल्दा क्रुसले सुन्दर गोल गरेका थिए ।

फ्रिकिक बललाई मार्को रिउससंगको तालमेलमा क्रुसले गरेको गोल विश्वस्तरीय रहेको थियो । दुई टचमा क्रुसले गोल गर्दै जर्मनीलाई जिताएका थिए । क्रुसले टप कर्नरमा प्रहार गरेको बलले जाली चुम्दा किपरले कुनै मेसो पाउन सकेन् ।

•  क्रिस्टियानो रोनाल्डो (पोर्चुगल)

गोल मेसिनको नाममा समेत चिनिने पोर्चुगलका स्टार स्ट्राइकर क्रिस्टियानो रोनाल्डोले रुस विश्वकपमा चार गोल गरे । तर, रोनाल्डोले स्पेनविरुद्ध गरेको एक गोल भने विश्वकपमा भएका गोलमध्येकै उत्कृष्ट रह्यो ।

समूह चरणको पहिलो खेलमा स्पेनसंग ३ – १ ले पछि परेको अवस्थामा रोनाल्डोले फ्रिकिकबाट गोल गरेका थिए । जुन गोल विश्वकपकै उत्कृष्टमध्ये चौथो नम्बरमा रहेको छ । उनको फ्रिकिक विश्व स्तरीय किपर डेभिड डी गियाले पत्तै पाएन । रोनाल्डोको उक्त गोलले स्पेनले पोर्चुगलसंग बराबरी खेल्दै एक अंकमा चित्त बुझाउनु परेको थियो ।

 

• रिकार्डो क्वारिश्मा (पोर्चुगल)

पोर्चुगलका विंगर रिकार्डो क्वारिश्माले जारी विश्वकपमा एक गोल गरेका थिए । तर, उक्त एक गोल नै विश्वकपको उत्कृष्ट १० गोलमा पर्न सफल भएको छ ।  

क्वारिश्माले इरानविरुद्ध लामो दुरीबाट 'आउट साइड फुट' गोल गरेका थिए । र, क्वारिश्माले गरेको गोल विश्वकपकै पाँचौ उत्कृष्ट गोल बन्न सफल भएको छ ।  उनकै गोलको कारण पोर्चुगलले इरानसंग १ – १ गोलको बराबरी खेलेको थियो ।

 

• एन्जल डी मारिया (अर्जेन्टिना)

अर्जेन्टिना मिडफिल्डर एन्जल डी मारियाले फ्रान्सविरुद्ध  उत्कृष्ट गोल गरे । डिबक्स बाहिरबाट देब्रे खुट्टाले गरेको उनको गोल विश्वकपकै उत्कृष्ट मध्ये एक हो । ३० यार्ड टाढाबाट उनले प्रहार गरेको बलले जाली चुम्दा फ्रान्सेली किपर ह्युगो लोरिस जिल्लिएका थिए । तर, उनले एक गोल गरे पनि फ्रान्सलाई हराउन नसक्दा अर्जेन्टिना विश्वकपको अन्तिम १६ बाटै बाहिरिन पुगेको थियो ।

• जेसे लिंगार्ड (इंग्ल्यान्ड)

रुस विश्वकपमा पानामाविरुद्ध जिसे लिंगार्डले गरेको गोल विश्वकपकै उत्कृष्ट गोलमध्ये एक हो । दुई डिफेन्स रहेको बेला लिंगार्डले उत्कृष्ट गोल गरेका थिए । उनले डिबक्सको ठिक बाहिरबाट प्रहार गरेको बल क्रसबारमा ठोक्कीएर गोलमा परिणत भएको थियो ।

• लुका मोड्रिक (क्रोएसिया)

क्रोएसियाको कप्तान लुका मोड्रिकले जारी विश्वकपकै सुन्दर गोल गरेका छन् । लामो दुरीबाट उनले गरेको गोल विश्वस्तरीय रहेको थियो । जसको कारण उनको गोल विश्वकपकै उत्कृष्ट आठमा पर्न सकेको छ ।

अर्जेन्टिनाविरुद्ध ३ – ० को जित निकाल्ने क्रममा मिडफिल्डर मोड्रिकले लामो दुरीबाट शानदार गोल गरेका थिए । उनको पावरफुल सट सुन्दर गोलमा परिणत भएको थियो ।

• फिलिपे कौटिन्हो (ब्राजिल)

ब्राजिलका मिडफिल्डर फिलिपे कौटिन्होले स्विजरल्याण्डविरुद्ध गरेको गोल विश्वकपको उत्कृष्ट गोलमध्ये नवौं स्थानमा रहेको छ । डिबक्स बाहिरबाट उनले प्रहार गरेको बलले पोस्टमा लाग्दै जाली चुमेको थियो । फस्ट बार च्यापेर उनले प्रहर गरेको बल स्विस किपरले रोक्न सकेनन् ।

• नासिर चाड्ली (बेल्जियम)

फिफा विश्वकप फुटबलमा जापानविरुद्ध नासिर चाड्लीले गरेको गोल पनि विश्वकप कै उत्कृष्ट १० भित्र अटाएका छन् । उनले काउन्टर अट्याकमा गोल गरेका थिए ।

निकै द्रूतगतीमा दौडदै आएर चाड्लीले केभिन डी ब्रुयनको पासमा गोल गरेका थिए । उनको गोलको कारण २ – ० ले पछि परेको अवस्था उल्टाएर बेल्जियमले जापानलाई हराएर क्वाटरफाइनल यात्रा तय गरेको थियो ।

 

एजेन्सीको सहयोगमा