स्पोर्ट्स अवार्डका हकदार पाँच प्रशिक्षक

गृहपृष्ठ
अन्य

स्पोर्ट्स अवार्डका हकदार पाँच प्रशिक्षक पल्सर स्पोर्ट्स अवार्ड

बुधबार, असार ११, २०७६ खेलपाटी संवाददाता

काठमाडौं । नेपाली खेलकुदकै प्रतिष्ठित एनएसजेएफ पल्सर स्पोर्ट्स अवार्ड अन्तर्गत चारवटा विधातर्फको मनोनयन सार्वजनिक भएको छ ।

नेपाल खेलकुद पत्रकार मञ्चले मंगलबार वर्षको उत्कृष्ट पुरुष, महिला र युवा खेलाडी तथा प्रशिक्षक विधाको मनोनयन सार्वजनिक गरेको हो ।

मञ्चले गठन गरेको खेलाडी छनोट समितिले सार्वजनिक गरेको वर्षको उत्कृष्ट प्रशिक्षक विधामा क्रिकेटका जगत टमाटा, प्याराग्लाईडिङका योगश भट्टराई, एथलेटिक्सका धनीराम चौधरी, भलिबलका ज्ञानेन्द्र विष्ट, फुटबलका हरी खड्का मनोनयनमा परेका छन् ।

मनोनयनमा पर्ने प्रशिक्षकको विजेता घोषणा कमलादीस्थित प्रज्ञा भवनमा असार १७ गते आयोजना हुने अवार्ड कार्यक्रममै गरिनेछ ।

मनोनयनमा पर्ने पाँच प्रशिक्षकले बिस् २०७५ सालमा के के सफलता पाए ? उनीहरुले देशका लागि कस्तो योगदान गरे ?

प्रशिक्षकको नाम र सफलतासहित :

योगेश भट्टराई (प्याराग्लाइडिङ)

–नेपाललाई एसियाडमा २० बर्षपछि रजत पदक दिलाउँदाका मुख्य प्रशिक्षक

–नेपालमा भएको प्यााराग्लाइडिङ एक्युरिसी वर्ड कपमा नेपाली टोलीलाई कांस्य पदक जिताउन सफल

–कोरियामा भएको प्रि वर्ड कप क्रस कन्ट्रीमा नेपाली टोलीको मुख्य प्रशिक्षक

–राखेपमा भर्खर प्याराग्लाइडिङको प्रमुख प्रशिक्षकमा नियुक्त, आगामी सागको जिम्मेवारी

–नेपाल प्याराग्लाइडिङ एण्ड ह्याङलाइडिङका सल्लाहकार

हरि खड्का (फुटबल)

—साफ महिला च्याम्पियनसिप २०१९ उपविजेता

—हिरो गोल्डकप २०१९ उपविजेता

—२०२० ओलम्पिक छनोट एसिया क्षेत्र (पहिलो चरण पार गरेर दोस्रो चरण प्रवेश)

धनीराम चौधरी (एथलेटिक्स)

–एपीएफका धनीराम चौधरीको प्रशिक्षकत्वमा १७ वर्षीय धावक अजीत यादव हङ्कङमा भएको तेस्रो एसियन युथ एथलेटिक्स च्याम्पियन्सीपमा तीन हजार मिटर दौडमा आठ मिनेट ३०.३२ सकेन्ड समय लगाएर ४५ राष्ट्रका धावकलाई पछाडि पार्दै स्वर्ण पदक जित्न सफल ।

–नेपालले एथलेटिक्समा अहिलेसम्म एसियालीस्तरमा जितेको यो पहिलो स्वर्ण

–एसियाली खेलकुदमा उनकै रेखदेखमा प्रशिक्षण गरेका आठ हजार मिटर दौडमा सोमबहादुर कुमालले राष्ट्रिय कीर्तिमान

–एसियाली खेलकुदमै महिला आठ हजार मिटर दौडमा व्यक्तिगत समय सुधार्ने धाविका सरस्वती भट्टराईका प्रशिक्षक

जगत टमाटा (क्रिकेट)

–नेपाललाई पहिलो एकदिवसीय अन्तर्राष्ट्रिय श्रंखला जिताउने प्रशिक्षक

–उनकै प्रशिक्षणमा नेपालले युएईलाई तीन म्याचको श्रंखलामा २–१ ले हराउन सफल

–टमाटाकै प्रशिक्षणमा नेपाललाई युएईबिरुद्ध नै तीन म्याचको टी–२० श्रृंखलाको उपाधि

–नेपाली क्रिकेट इतिहासको पहिलो एकदिवसीय श्रंखलामा नेदरल्यान्ड्सबिरुद्ध बराबरी गर्न सफल

–नेपालले आईसीसी टी–२० विश्वकप एसिया रिजनल क्वालिफायर बी को उपाधि जित्न सफल

ज्ञानेन्द्र बिष्ट (भलिबल–एपिएफ)

–शेरबहादुर खड्का स्मृति कपमा पहिलो

–रोल्पामा भएको प्रथम सभामुख कपमा उत्कृष्ट प्रशिक्षक