एजेन्सी । इंग्ल्याण्डमा जारी १२ औं संस्करणको आईसीसी एकदिवसीय विश्वकप क्रिकेटमा अफगानिस्तानविरुद्ध भारतले रोमान्चक जित दर्ता गरेको छ ।
साउथह्याम्टनमा शनिबार भएको खेलमा भारतले अफगानिस्तानलाई ११ रनले पराजित गरेको हो ।
भारतले दिएको २ सय २५ रनको लक्ष्य पछ्याएको अफगानिस्तान १ बल बाँकी रहदा २ सय १३ रन जोड्दा अलआउट भयो ।अन्तिम ओभरमा मोहमद शामीले ह्याट्रिक विकेट लिँदै भारतलाई रोमान्चक जित दिलाए ।
जारी विश्वकपको पहिलो ह्याट्रिक लिने खेलाडी बनेका शामीले अन्तिम ओभरको तेस्रो, चौंथो र पाँचौ बलमा विकेट लिँदै ह्याट्रिक पुरा गरे ।
अफगानिस्तानका लागि मोहमद नाबीले ५२ रनको अर्धशतकीय इनिङ्स खेलेपनि टिमलाई जित दिलाउन सकेनन् । यस्तै रहमत साहले ३६ तथा गुल्बादीन नाबीले २७ रन बनाए । हास्मतउल्लाह शाहिदी र नाजिबउल्लाह जाड्रनले समान २१/२१ रन बनाए ।
अफगानिस्तानलाई सस्तैमा समेट्न भारतका शामीले ह्याट्रिकसहित चार विकेट लिए । यस्तै जस्प्रित बुम्राह, युजभेन्द्र चहल र हार्दिक पाण्डयले २/२ विकेट लिए ।
यसअघि टस जितेर पहिले ब्याटिङ गरेको भारतले निर्धारित ५० ओभरमा ८ विकेट गुमाएर २ सय २४ रन बनाएको थियो ।
भारतका लागे कप्तान विराट कोहलीले सर्वाधिक ६७ रनको अर्धशतकीय इनिङ्स खेले । यस्तै केदार जाधबले ५२ रन बनाए । रोहित शर्मा एक रनमा पवोलियन फर्किएको खेलमा के एल राहुल ३०, विजय शंकर २९, महेन्द्र सिंह धोनीले २८ रन बनाएर आउट भए ।
अफगानिस्तानका मोहमद नाबी र गुलाबदिन नाइबले समान २-२ विकेट लिए । यस्तै मुजिब उर रहमान, रहमत शाह, राशिद खान र अफताब आलमले समान १-१ विकेट हात पारे ।
जितसंगै भारतले ५ खेलबाट ९ अंक जोडेको छ । र, चौंथो जित निकालेको भारत तालिकाको तेस्रो स्थानमा छ ।
अफगानिस्तानको यो लगातार छैटौं हार हो । लिगको पुछारमा रहेको अफगानिस्तानले अंक जोड्ने सकेको चैन ।
-1751297393.jpeg)
-1751282483.jpeg)
-1751282194.jpeg)
