निष्ट लिटल फ्लावर प्रिमियर लिग क्रिकेट कार्तिकमा

काठमाडौं । चौंथो संस्करणको 'निष्ट लिटल फ्लावर प्रिमियर लिग' विद्यालय स्तरीय राष्ट्रिय टी-ट्वान्टी क्रिकेट प्रतियोगिता कार्तिकमा आयोजना हुने भएको छ ।

संस्कार क्रिकेट एकेडमीको आयोजनामा धनगढीमा हुने प्रतियोगिता कार्तिक १६ गतेबाट ३० गतेसम्म आयोजना हुनेछ ।

संघिय प्रहरी इकाई कार्यालयको खेल मैदानमा आयोजना हुने प्रतियोगितामा १२ विद्यालयले प्रतिस्पर्धा गर्नेछन् ।

लिगकम नकआउटका आधारमा हुने प्रतियोगिताका सहभागी टोलीले १९ वर्षमुनिका पाँच बाहिरका खेलाडी राख्न पाउनेछन् । अन्य १० खेलाडी विद्यालयमा १० कक्षासम्म अध्ययनरत विद्यार्थी राख्नु पर्नेछ ।

लैनचोरस्थित निष्ट कलेजको मुख्य प्रायोजन र लिटल फ्लावर बोर्डीङ स्कुलको सहयोगमा हुने प्रतियोगितामा उत्कृष्ट प्रदर्शन गर्ने कक्षा १० सम्मका खेलाडीबाट छनोट गरि 'निष्ट  कलेज लिटल फ्लावर एकदिवसीय प्रिमिएर लिग' प्रतियोगिता समेत हुने आयोजकले जनाएको छ ।