अफगानिस्तानका शाहजाद विश्वकप टिमबाहिर

एजेन्सी । अफगानिस्तानका ओपनर ब्याट्सम्यान मोहम्मद शाहजादले इंग्ल्याण्डमा जारी आईसीसी एकदिवसीय विश्वकप क्रिकेटको सबै खेल गुमाउने भएका छन् । 

घुँडाको चोटका कारण शाहजादले विश्वकप गुमाउने भएका हुन् । शाहजादले विश्वकपअघि पाकिस्तानविरुद्धको अभ्यास खेलमा चोट बोकेका थिए । 

अफगानिस्तानले शाहजादको स्थानमा विकेटकिपर ब्याट्सम्यान इक्राम अली खिललाई टिममा बोलाएको छ । आईसीसीले पनि स्वीकृति दिएको छ । 

एकदिवसीयमा शाहजाद अफगानिस्तानका लागि सर्वाधिक रन बनाउने खेलाडी हुन् ।  शाहजादले ५५ इनिङ्समा १८४३ रन बनाएका छन् ।