विश्वकप क्रिकेट : जब भारत २८ बर्षपछि च्याम्पियन बन्यो

एजेन्सी । सन् २०११ को विश्वकप क्रिकेट भारत, श्रीलंका र बंगलादेशले संयुक्त रुपमा आयोजना गरेका थिए । सन् १९८३ मा भारत पहिलो पटक च्याम्पियन बनेको थियो ।

उसले २८ बर्षपछि फेरी एक पटक ईतिहास रचेको थियो । त्यसपछि भारतीय टिम वेस्ट ईन्डिज र अष्ट्रेलियापछि दुई र बढी पटक भन्दा बढी उपाधि जित्ने तेस्रो टिम बनेको थियो ।

सन् २०११ को विश्वकपको फाईनल मुम्बईका वानखडे रंगशालामा खेलिएको थियो । जहाँ भारतले श्रीलंकालाई हराएको थियो । भारतीय टिमले एक ईतिहास रचेको थियो । त्यसअघि कुनैपनि आयोजक देशले विश्वकपको उपाधि जितेको थिएन ।

भारतीय टिम लक्ष्य पछ्याउँदै च्याम्पियन बन्ने तेस्रो टिम बनेको थियो । त्यसअघि विश्वकप ईतिहासमा दुई पटक यस्तो भएको थियो । तर लगातार दोस्रो पटक फाईनल खलेको श्रीलंकालाई भारतले १० बल बाँकी छँदै ६ विकेट गुमाएर हराएको थियो ।

त्यस समयसम्म फाईनलमा शतक प्रहार गर्ने टिमले जित्दै आएको थियो । तर यस पटक बनेको शतक काम लागेन ।

महेला जयवर्धनेले १ सय ३ रनको शतकीय ईनिङ्सले काम गर्न सकेन ।

२ सय ७५ रनको लक्ष्य पछ्याएको भारतले सुरुवातमा झट्का लागेको थियो । उसले ३१ रन बनाउदाँ २ विकेट गुमाएको थियो ।

एक सयम टिम भारतले १ सय १४ रनमा ३ विकेट गुमाईसकेको थियो । ओपनर गौतम गम्भिर क्रिजमा थिए । उनलाई साथ दिन युवराज सिंह आउने क्रममा थिए ।

तर सबैलाई अचम्मित पार्दै कप्तानी धोनी युवराज सिंहको स्थानमा मैदान उत्रिए । उनले उत्कृष्ट ईनिङ्स खेल्दै भारतलाई जित दिलाए । उनी म्यान अफ दी म्याच समेत घोषित भए ।

धोनीले गम्भिरसंग १ सय ९ रनको साझेदारी गरेका थिए । गौतम गम्भीरले ९७ रनको ईनिङ्स खेलेका थिए ।

धोनीले ७९ बलमा ९१ रन बनाएका थिए । साथमा उनले उत्कृष्ट फिनिसरको रुपमा आफुलाई प्रमाणित गर्दै छक्का प्रहार सहित टिमलाई जित दिलाएका थिए ।

-एजेन्सीकाे सहयाेगमा