सिद्धान्तको अर्धशतकमा प्रदेश १ को सम्मान जनक लक्ष्य

काठमाडौं । प्रधानमन्त्री कप एकदिवसीय राष्ट्रिय पुरुष क्रिकेट प्रतियोगितामा प्रदेश १ ले जितका लागि कर्णाली प्रदेशलाई २ सय २९ रनको लक्ष्य दिएको छ ।

कीर्तिपुरस्थित त्रिवि क्रिकेट मैदानमा पहिले ब्याटिङ गरेको प्रदेश १ ले निर्धारित ५० ओभरमा ८ विकेट गुमाएर २ सय २८ रन बनायो । प्रदेश १ का सिद्धान्त लोहनीले ७ चौकाको मद्दतमा ६३ रन बनाउँदा रिटायर्ड हर्ट भए ।

यस्तै फिर्दोस अन्सारीले अविजित ४५, सुन्नी पुनले ३४, कप्तान पुष्प थापा २९ रन जोडे ।

कर्णालीका प्रकास जैसी, ललित प्याकुरेल र दिवन पुनले समान २/२ विकेट हात पारे ।

पहिलो खेल पुलिससंग गुमाएको कर्णालीले दोस्रोमा त्रिभुवन आर्मी क्लब र तेस्रो खेलमा प्रदेश नम्बर दुईसंग पराजित भएको थियो ।

प्रदेश १ पहिलो खेलमा आर्मी र दोस्रो खेलमा पुलिससंग पराजित भएको थियो । सामुह बीमा प्रदेश १ भने २ खेलमा अंक विहिन हुँदै चौथो र कर्णाली पाँचौ स्थानमा छन् ।