एम्बाप्पेलाई मन पराउँछु – रोनाल्डो

एजेन्सी । ब्राजिली लिजेण्ड रोनाल्डोले फ्रान्सेली क्लब पेरिस सेन्ट जर्मेनका स्टार केलियन एम्बाप्पेसंग आफ्नो तुलनालाई बुझेका छन् । खेलाडीको रुपमा एम्बाप्पेलाई उनी प्रेम गर्छन् ।

२० बर्षिया एम्बाप्पले लिग वानले उत्कृष्ट सिजन बिताएका छन् । उनी यस सिजन २९ खेलमा ३३ गोल गर्दै आफुलाई उत्कृष्ट प्रमाणित गर्न सफल रहे ।

फ्रान्सका अन्तराष्ट्रिय खेलाडीले पीएसजीलाई घरेलु लिग उपाधि दिलाउन सफल रहे । उनी पछिल्लो समय स्पेनिस महारथी क्लब रियल मड्रिड र बार्सिलोनासंग जोडिएका छन् ।

ब्राजिलका लिजेण्ड तथा बार्सिलोना, रियल मड्रिड र ईन्टर मिलानका पुर्व फरवार्ड रोनाल्डोको पुरै करियरको तुलना एम्बाप्पेसंग हुने गरको छ । रोनाल्डोको पासको गति, खेल कौशल र गोल गर्ने तरिका एम्बाप्पेसंग मिल्छ भन्ने गरिन्छ ।

मानिसहरु एम्बाप्पेमा रोनाल्डो देख्छन् भन्ने बिषयमा स्वयम रोनाल्डो कत्तिको सहमत छन् त ?

‘हो, म भन्न सक्छु । म उसलाई प्रेम गर्छु ।’ रोनल्डोले जवाफमा भनेका छन् ।

‘उनी छिटो छन् । उनको फिनिसिङ राम्रो छ । उनी भर्खरै २० बर्षका भए । म उसको बारेमा ३ बर्ष अघिनै जानकार छु । उसंग धेरै प्रतिभा छ ।’ रोनाल्डोले भनेका छन् ।

‘मलाई थाहा छैन, खेलाडीको मुल्य के हुन्छ । उनीहरुको अवस्था के छ । म त्यस बिषयमा बोल्ने मान्छे पनि होईन । मानिसहरु मलाई धेरै पैसा दिन्छन्, जिदानलाई दिन्छन् । त्यो फुटबलको सामान्य रुपान्तरण हो ।’ उनी थप्छन् ।

यदी एम्बाप्पे रियल मड्रिड गएको खण्डमा उनको भेट विश्वका अर्का उदयमान खेलाडी भिनिसियस जुनियरसंग भेट हुनेछ ।

‘होईन, मैले उसलो फ्लामिङ्गोमा देखेको छैन ।’ भिनिसियसको बिषयमा रोनाल्डोले भने, ‘उसंग धेरै क्षमता छ । सोही कारण मड्रिडले ४० मिलियन पाउण्ड खर्च गरेको छ । जब उनीहरुले टिममा राखे । पक्कै उनीहरुले केही देखेको हुनुपर्छ ।’

‘उनी पुरै फर्ममा छैनन् । उनी भर्खरै १८ बर्षका भए । धेरै चिज आउन बाँकी छ । उनी अद्भुत छन् । तर धेरै खुसीयाली ल्याउनेछन् ।’ रोनाल्डोले भनेका छन् ।