एजेन्सी । इन्ग्लिश क्लब म्यानचेस्टर युनाईटेड लिजेण्ड टिमले जर्मन क्लब वायर्न म्युनिखको लिजेण्ड टिमलाई फराकिलो गोल अन्तरले पराजित गरेको छ ।
ओल्ड ट्राफोर्डमा आइतबार भएको मैत्रीपूर्ण खेलमा युनाईटेड लिजेण्डले वायर्न लिजेण्डलाई ५-० गोल अन्तरले पराजित गरेको हो ।
घरेलु मैदानमा युनाईटेड लिजेण्डका लागि ओले गनर सोल्सायर, डाइट योर्क, निकी बट, लुइस साहा र डेविड बेकह्यामले एक एक गोल गरे ।
म्यानचेस्टर युनाईटेडले एकै सिजन तेहेरो उपाधि जितेर कीर्तिमान रचेको २० वर्ष पुरा भएको अवसर दुई क्लबको लिजेण्ड खेलाडी सम्मलित टिमबीच खेल भएको हो ।
सर एलेक्स फर्गुसनको नेतृत्वमा सन् १९९९ मा युनाईटेडले इंग्लिस प्रिमियर लिग, एफए कप र च्याम्पियन्स लिग जितेर कीर्तिमान बनाएको थियो ।
वायर्न लिजेण्डविरुद्धको मैत्रीपूर्ण खेलमा युनाईटेडबाट हालका मुख्य प्रशिक्षक ओले गनर सोल्सायरसहित ग्यारी नेभिल,याप स्टाम, पाउल स्कोल्स, निकी बट, डाइट योर्क, एन्डी कोल, लुइस साहा र डेविड बेकह्याम लगायतका खेलाडी मैदान उत्रिएका थिए ।
