एन्फाको क्विक्स कप जेठ २१ बाट

काठमाडौं । अखिल नेपाल फुटबल संघ एन्फाले विद्यालयस्तरीय प्रतियोगिता क्विक्स कप फुटबल जेठकाे तेस्रो साताबाट सञ्चालन गर्ने भएको छ ।

चौधरी ग्रुप र एन्फाबीच क्विक्स कप छात्र तथा छात्रा प्रतियोगिता आयोजक गर्ने सम्झौता भएको थियो ।

सोही सम्झौता अनुसार प्रतियोगिताको मिति तय भएको हो ।

प्रतियोगिता जिल्ला हुँदै प्रदेश र राष्ट्रिय स्तरमा सञ्चालन हुनेछ ।

एन्फाले जेठ २१ देखि असार ३१ सम्म जिल्ला स्तरीय प्रतियोगिता सञ्चालन हुनेछ ।

यस्तै, प्रदेश प्रतियोगिता साउन १९ देखि ३२ गतेसम्म र राष्ट्रिय स्तरको प्रतियोगिता आश्विन १ देखि ११ गतेसम्म सञ्चालन हुनेछ ।

काठमाडौ, भक्तपुर तथा ललितपुरमा हुने प्रतियोगिता भने एन्फा आफैले सञ्चालन गर्नेछ ।

अन्य जिल्लामा भने सम्बन्धित जिल्ला फुटबल संघले प्रतियोगिता सञ्चालन गर्नेछ ।

जिल्ला विजेताले प्रदेश स्तरीय प्रतियोगिता खेल्नेछ । प्रदेशको विजेताले राष्ट्रिय स्तरको प्रतियोगिताका लागि खेल्नेछ ।