बैङ्गलोरलाई हैदरावादकाे १ सय ७६ रनको लक्ष्य

एजेन्सी । ईन्डियन प्रिमियर लिग क्रिकेट आईपीएलमा सनराईजर्स हैदरावादले रोयल च्यालेन्जर्स बैङ्गलोरसामु १ सय ७६ रनको लक्ष्य प्रस्तुत गरेको छ ।

टस जितेर बैङ्गलोरले फिल्डिङ रोजेपछि ब्याटिङमा आएको हैदरावादले निर्धारित ओभरमा ७ विकेट गुमाउँदै १ सय ७५ रन जोड्यो ।

केन विलियम्सले विस्फोटक ब्याटिङ गर्दै हैदरावादको पाली उकासेका थिए । उनले ४३ बलमा ५ चौथा र ४ छक्काको मदतले ७० रन बनाएका थिए ।

मार्टिन गुप्टिलले ३० तथा विजय संकरले २७ रन बनाए ।

बैंगलोरका बासिङ्टोन सुन्दरले सर्वाधिक ३ विकेट लिए ।

प्ले अफमा स्थान बनाउन हैदरवादलाई जित आवश्यक छ । बैंगलोर प्रतियोगिताबाट बाहिरिसकेको छ ।