साञ्चोको गोलमा डर्टमण्डलाई शीर्ष स्थान

एजेन्सी । जर्मन बुन्डेशलिगामा बोरुसिया डर्टमण्ड शीर्ष स्थानमा उक्लिएको छ । शनिबार राति भएको खेलमा डर्टमण्डले मेन्जलाई २–१ गोल अन्तरले हराएको हो ।
घरेलु टोली डर्टमण्डको जितमा जाडोन साञ्चोले दुई गोल गरे ।

साञ्चोको कीर्तिमानी गोलमा डर्टमण्ड क्लब जर्मन लिगकाे शीर्ष स्थानमा उक्लियो ।

१९ बर्षका युवा खेलाडीले बुन्डेशलिगामा यसै सिजनमा कीर्तिमानी ११ गोल गर्ने पहिलो खेलाडी बनेका छन् ।

खेलको १७ औ मिनेटमा साञ्चोले गोल गर्दै डर्टमण्डलाई सुरुवाती अग्रता दिलाएका थिए । २४ औ मिनेटमा उनले अग्रतालाई दोब्बर बनाएका थिए । पहिलो हाफमै डर्टमण्ड २–० ले अगाडी बढेको थियो ।

मेन्जका लागि ८३ औ मिनेटमा क्विसनले एक गोल फर्काएपनि टोलीको हार टार्न सकेनन् ।

डर्टमण्डले २९ खेलबाट ६६ अंक सहित शीर्ष स्थान कब्जा ग¥यो । बार्यन म्युनिख ६४ अंक सहित दोस्रो स्थानमा रह्यो । मेन्ज ३३ अंक सहित १२ औ स्थानमा छ ।