'बी' डिभिजन लिग : सातदोबाटोका बिरेन्द्र उत्कृष्ट फरवार्ड

काठमाडौं । सहिद स्मारक 'बी' डिभिजन लिग फुटबलमा चौथो स्थान हासिल गरेको सातदोबाटो युथ क्लबका बिरेन्द्र लिम्बु उत्कृष्ट फरवार्ड चुनिएका छन् ।

यस्तै उपविजेता श्री भगवतीका दर्शन गुरुङ उत्कृष्ट मिडफिल्डर,च्याम्पियन क्लब रानीपोखरी कर्नर टिम (आरसीटी) का लोकेन्द्र बहादुर कार्की उत्कृष्ट डिफेन्डर चुनिएका छन् ।

टुसाल युथ क्लबका बिनोद सोदारी उत्कृष्ट गोलकिपर र आरसीटीका बैजु कफाली उत्कृष्ट प्रशिक्षक चुनिए । 

श्री कुमारी क्लबले फेयर प्ले अवार्ड प्राप्त गर्यो ।

व्यक्तिगत विधामा उत्कृष्ट हुने सबैले समान २५/२५ हजार नगद प्राप्त गरे ।