एएफसी कप छनोट : कोलम्बो र ट्रान्सपोर्ट युनाईटेड भिड्दै

काठमाडौं । एएफसी कप छनोट अन्तर्गत पहिलो चरणकाे खेल आज (बुधबार) बाट सुरु हुदैछ । पहिलो लेगको खेलमा श्रीलंकाको गत वर्षको लिग विजेता एफसी कोलम्बो र भुटानको लिग विजेता क्लब ट्रान्सपोर्ट युनाइटेड भिड्दै छन् ।

कोलम्बोको रेस कोर्स अन्तराष्ट्रिय स्टेडियममा हुने खेल नेपाली समय अनुसार पौने ४ बजे सुरु हुनेछ ।

समुह ई अन्तर्गतको सो खेलको विजेताले दोस्रो चरणको छनोटमा इन्डियन सुपर लिग क्लब चेन्नाईन एफसीमा सामना गर्ने छ। सो खेलको विजेताले एएफसी कपको समूह चरणमा स्थान बनाउने छ।

समुह ईमा नेपालको लिग च्याम्पियन मनाङ् मर्स्याङ्दी, बंगलादेशको लिग च्याम्पियन अबहानी लिमिटेड र इन्डियन आई लिगको अगिल्लो वर्षको विजेता मिनेरभा पन्जाबले स्थान सुरक्षित गरिसकेका छन्।

प्रतियोगिता अन्तर्गत मनाङ्ले आफ्नो पहिलो खेल मिनेरभा पन्जाब विरुद्ध खेल्दैछ। घरेलु मैदानमै हुने उक्त खेल अप्रिल ३ तारिखमा हुनेछ।