सर्वाधिक विकेट लिँदै सोमपालले बनाए कीर्तिमान

काठमाडौं। सोमपाल कामी टी-२० विश्वकपमा सबैभन्दा बढी विकेट लिने नेपाली खेलाडी भएका छन्।

सोमपालले मंगलबार स्कटल्यान्डविरुद्ध ३ विकेट लिँदै उक्त कीर्तिमान कायम गरेका हुन्। सन् २०१४ देखि विश्वकप खेलिरहेका उनको कुल विकेट संख्या १० पुगेको छ।

स्कटल्यान्डविरुद्ध भने उनले ४ ओभर बलिङ गर्दै २५ रन खर्चिएर ३ विकेट लिए। योसँगै सोमपालले दीपेन्द्रसिंह ऐरीको कीर्तिमान पनि भंग गरेका छन्। दुई विश्वकप खेलेका दीपेन्द्रको ८ विकेट लिएका थिए।