रविन्द्रसहित तीन जना कर्णाली प्रदेश खेलकुद विकास परिषद्को सदस्य–सचिवमा सिफारिस

काठमाडौं। रविन्द्र चन्दसहित कर्णाली प्रदेश खेलकुद विकास परिषद्को सदस्य–सचिव पदका लागि तीन जना उम्मेदवार सिफारिस गरिएको छ।

सामाजिक विकास मन्त्रालय, कर्णाली प्रदेशले सार्वजनिक गरेको सूचनाअनुसार छनोट प्रक्रियाबाट योग्य ठहरिएका उम्मेदवारहरूलाई सिफारिस गरिएको हो। मन्त्रालयले गत माघ ३० मा प्रकाशित सूचनाअनुसार प्रारम्भिक योग्यताक्रममा सूचीकृत १० जना उम्मेदवारमध्ये पुस ३ गते लिइएको अन्तर्वार्तामा सहभागी उम्मेदवारहरूको लिखित तथा अन्तर्वार्ता मूल्याङ्कन गरिएको जनाएको छ।

‘कर्णाली प्रदेश खेलकुद विकास परिषद्को सदस्य–सचिव छनोट सम्बन्धी मापदण्ड, २०८२’ अनुसार प्राप्त अङ्कका आधारमा योग्यताक्रम कायम गर्दै रविन्द्र चन्द, दिपक हमाल र प्रमोद हमाललाई सदस्य–सचिव पदका लागि सिफारिस गरिएको हो।

सिफारिस गरिएका चन्द वीरेन्द्रनगर–७ सुर्खेत, दिपक भेरीगंगा–४ सुर्खेत र प्रमोद वीरेन्द्रनगर–५ सुर्खेतका स्थायी बासिन्दा हुन्।